KADAVER BOCA SAMI

Djaluna anochi den nos boletin di 8'or nos a trese informashon dilanti tokante un homber ku un famia tabata buskando. Ta trata aki di Ludwin Florentina di 48 aña, miho konosi komo Winco, kende a sali su kas den Kaya Bayestrim 19 na Boca Sami djadumingu kwartu pasá di sinku sin regresá. E famia tabata hopi preokupá ya ku e ta sufri di kebrante di salu i mester a bebe remedi. Despues di un buskeda ku a kuminsa djaluna, awe mainta e famia a haña e notisia tristu ku e kurpa di Florentina a keda lokalisá den e subida pa bai Boca Sami. Hopi konosí i bisiñanan a presentá na e sitio. E kousa di su morto no ta konosí ainda i e investigashon ta andando. Nos palabranan di mas sinsero kondolensia ta bai na e famia di e fayesido.